Axenda

En Estudio Sete estamos emocionados de colaborar co podcast Prendidísima de Mai Insúa, un espazo sonoro cheo de enerxía, conexión e presenza. Este podcast trae algo esencial para os tempos que corren: a posibilidade de desconectar da virtualidade e reconectar coa vida real, con conversas que non caben nun reel de Instagram.

Os directos de Prendidísima teñen o seu campamento base en A Estación, un espazo de proxectos, cultura e creación que, ademais, foi unha antiga estación de ferrocarril de 1958. Este lugar, cheo de historia e vida, acolle as nosas conversas e a súa enerxía envolvente, facendo que cada episodio sexa unha experiencia única para todos.

Cando soñaba este podcast, soñaba que tiña a súa propia música e que a facía ela.

Dime quen se non fai isto, forte e suave, power e cute, cálido e quente. Isto que soa queer e soa a tías e que fala de entender no profundo por que existe este podcast, e estar e relacionarse dende aí.

Cando soñaba esta música, soñaba que vos facía bailar soas un pouquiño ao poñer cada episodio, que aos poucos ía soando “casa” e que nos directos, bailábamos xuntas.

Ela tomou o que soñaba e fíxoo mellor.

Isto é “RUSS – SÁFICAS” para Prendidísima 

A primeira grabación en directo foi un verdadeiro momento de calor, conexión e celebración. Gracias a todas as que estivestes presentes e á enerxía que creamos xuntas, foi mellor do que imaxinei! Foi un pracer compartir esa enerxía coa audiencia e deixar que fluíse libremente.

Quero agradecer profundamente a todas as persoas que fixeron posible este momento:

• Grazas a Estudio Sete por materializar este proxecto e dar vida ás nosas ideas.
• A Henar Alonso Lombera por captar todas as vibes nas súas fotos.
• A Muller6Ollos por crear a identidade gráfica e a Visual Paulina Funes por continuala de forma tan fermosa.
• A DJ Misa GZ por envolverte cunha música que nos fixo sentir que cada comezo era unha celebración.
• A Uteranatura e Clara Leiros por abastecernos con todo o necesario para estar ben.
• A A Estación Cultural por abrirnos as portas do seu espazo cargado de historia e vida desde 1958.

E, por suposto, grazas a Andrea Nunes Brión, que compartiu con nós un episodio inolvidable. Non só foi a nosa primeira invitada, senón tamén unha amiga a quen admiro profundamente.

Prendidísima é máis que un podcast; é unha chamada a sentir, a estar presentes e a disfrutar xuntas. A cada episodio, esperamos que cada un de vós tamén se sinta parte deste movemento. Estade atentos, porque o episodio inaugural estará pronto nas plataformas.

Porque no medio de tanto ruído, o que realmente nos fai estar mellor é…

Máis simple

O xénero true crime continúa sendo un dos máis populares no panorama dos podcasts a nivel mundial, e cada vez son máis as producións que se lanzan a abordar casos reais de criminalidade. Aínda que o xénero é mundialmente recoñecido, Crimes chega para engadir un valor único: trátase dun podcast de true crime en galego, ofrecendo ao escoitante unha experiencia única e inmersiva no seu propio idioma.

Creado, escrito e dirixido por Xabi Ares, Crimes explora casos de criminalidade que marcaron a historia, tanto a nivel local como internacional, pero sempre mantendo un enfoque que se adapta á realidade social e cultural galega. Ao longo dos episodios, o podcast mergúllase en crimes reais, investigando os feitos, os responsables e as vítimas, pero tamén ofrecendo unha reflexión sobre a natureza humana, a xustiza e os límites da lei.

Cada episodio de Crimes está impregnado dunha atmósfera intrigante e cautivadora, cun ritmo que non deixa lugar ao aburrimento. O podcast non só se limita a contar os feitos, senón que se adentra na complexidade de cada caso, analizando as motivacións e as circunstancias que levaron á comisión do crime, e ás veces, tamén as repercusións sociais e culturais deses actos.

O feito de ser en galego tamén xoga un papel fundamental na proposta de Crimes, facendo que se poida conectar de maneira máis profunda co público galegofalante. A creación de contido en galego neste xénero non só é un acerto lingüístico, senón tamén unha declaración de que a nosa lingua tamén ten cabida nos espazos máis contemporáneos e internacionais da creación de podcasts.

Crimes é un podcast imprescindible para os amantes do true crime, pero tamén para quen busque coñecer mellor os recunchos máis escuros da realidade humana, todo iso con perspectiva galega.